أنا واخويا فى الميدان
*****************
تعالى ف حضنى ياجدتى
حضنك ياغاليه ده نبع حنان
أنا أصلى عارف سكتى
هارجع وهاهتف فى الميدان
وانا سبت جوه ف غرفتى
صورتى واخويا معايا زمان
أنا كنت ماسك لعبتى
واخويا جنبى كان فرحان
دلوقتى سابنى ف وحدتى
واختار لنفسه غيرى اخوان
طب مين هايحمى وقفتى
ويحس بيا لو تعبان
ومين هايمسح دمعتى
لما ابكى على اخويا الإنسان
وازاى هاترجع ضحكتى
وانا شايفه وحده هناك زعلان
ومين بَعَدْنا ياجدتى
فرَّق إيدينا فى الميدان
ده اخويا اسمه ف شنطتى
وابونا واحد فى العنوان
أنا هادعى ربى ف شدتى
يجمعنا تانى زى زمان
يجمعنا تانى زى زمان
ونحن بدورنا نهنئ الدكتورة منال عفيفي على هذا الابداع مع خالص امنياتنا بدوام التالق
مع تحياد مجلس ادارة الجريدة
