‏محمد محمد الساعي‏

أندهلك "أغنيه شعبيه"

أندهلك ما تصدقشي
وانا قلبي ف حبك داب
لما آجي تسيبني وتمشي
بين لهفه وشوق وعذاب
امتى هاتيجي تطمني
وبعادك ليه فهمني
معقوله هاتبعد عني
والباب فاتح في الباب
ولإمتى جفاك ما اعرفشي
هجرك من غير اسباب
****
باندهلك ماتطنش
دانا عمري ف يوم ما باغش
ولا كنت بمليون وش
ولا مره باكون كداب
دانت بين عيني ورمشي
ما كفايه بعاد وغياب
****
باندهلك وباقول آه
والشوق بلَّغْني مداه
دا وجودك انت حياه
وبعادك عني عذاب
خايف ليا ماترحمشي
سهمك في القلب اهو صاب
****
مستني عليا ترد
وكفايه ملامه وصد
دا مافيش احسن م الود
ممنوع بقى اي عتاب
إياك تنساني وتمشي
وتسيبني ف شوق وعذاب

محمد الساعي 2013/6/12