تصميم الورق

التصميم
اولا برامج التصميم
الفوتو شوب : وده المايسترو بتاع برامج التصميم ومنه يخرج العمل غالبا الى المطبعه ( ويمكن ايضا خروجه من اى برنامج اخر )
مشكله الفوتوشوب انه برنامج بيتعامل مع البيكسل يعنى بمعنى اخر مع الصور فبنلاقى دايما مشكله فى التيكست او الكتابات اللى فى التصميم ونجد ان اخراج الفوتوشوب لها يكون غير سليم تماما والتيكست دايما يكون غير حاد او شارب ( او بمعنى اخر بيب***ل )
وبالتالى احنا محتاجين برنامج اخر رسومى وذلك للرسوم زى اللوجوهات والنصوص اللى هيا الكتابات
وافضل هذه البرامج هى :
كوريل درو
اليستراتور
فرى هاند
وانا عن نفسى بشتغل بأول اتنين بجانب الفوتوشوب
خلاصة الكلام :
بنعمل التصميم علىالفوتوشوب
بنكتب على الكوريل او الاليستراتور
بنصدر الكتابات وارسوم الى الفوتوشوب
بنضيفها الى التصميم
يكون العمل جاهز لفصل الالوان
ثانيا التصميم :
التصميمات نوعين
اما اربعه لون
او لون واحد او اتنين او تلاته
بالنسبه للاربعه لون فدى بيكون التصميم على الفوتوشوب بريزيليوشن 300 فى الانش وليس فى السم والوان cmyk
وهذا العمل لازم يتفصل الوان يعنى يتعمله افلام
اما التصميم اللون الواحد مثلا اللى مفيهوش صور غالبا زى الاعلان اللى بيتوزع عند الجامع مثلا فده بنعمله على الكوريل درو وبنعمله كلكه مقلوبه بدل الفيلم ( وطبعا لو فيلم هايكون احسن وانضف ) بس الكلك بيوفر وقت وتكلف