عايشين دايما في غربه جواكي يامصر
ونقول دايما بحرقه بنحبك يامصر, فيكي
شئ غريب مغربنا معاكي في عتمه
وليل طويل بنحبك يامصر, , بنضحك نخفي
دموعنا بنصرخ كان مين سمعنا عارفين
أنك ضحيه بنحبك يامصر, , عيشي وأوعك
تموتى حسي الخوف من سكوتي أن
يسكت يوم لساني يتكلم حد تاني ويقولها
بعلو صوته بنحبك يامصر, , عارف كلك جراح
فاكره المجد اللي راح مأسوره في ليل طويل
وعايزه تشوفي الصباح بتقولي أنك مريضه
وهقولك ايه يابلدي سلامتك أه يامصر, نموت
بس أنتي عيشي وهنعيش تاني في ترابك
ونبقى حته منك وهييجي غيرنا يقولك بنحبك
يامصر, يابلدي ولادك كتير عايشين شايفيين
كتير منهم عارفك ضحيه ومنهم شايفك قسيه
ودول ودول يابلدي بيقولوا تحيا بلدي بنحبك يامصر,
حتى اللي سرقوه خيرك وحبوه واحده غيرك بيحبوكي
يامصر بيحبوا فيكي صمتك بيحبوا فيكي صبرك عليهم
يامصر ومن أمتى بيخدعونا دا قلبهم يابلدي يسيع لألف
واحده وقلبنا ياغاليه مفيهوش غير انتي واحده بنقولها
أحنا ليكي يامـــــــــــــــصر
وساعات نسمعها منهم بنحبك يامصر,
مع أن الكلمه واحده لكن معناها غير, حبهم باينله شهوه وحبنا
دا كله خير وطبعاً أنتي عرفه بنحبك يامصر, <!-- / message -->
| ا |
|
|
ساحة النقاش