خرابيش على الورق محفورة متنمنمة
خربوشة ورا خربوشة
باينة زى الضهر ومعششة
معششة فى ملامحي وتقاسيمي
والى اترسم علىجبينى
ادينى اشوفه بعينى
ما هى الايام ام سنان مسنونه
قاسيه....و قوية..ومجنونة
والايام دى برده ليها
ايدين
تلطش
ورجلين
تشوط وتطوح
وعنين
تبرق وتخوف
وفى الاخر تتكتب احداث على الورق
وكل ورقه بخربوشة
فا ارحب انا بخربوش ورا خربوش
وانشاالله اتوجع وابوش
ما هى الدنيا ايه غير
وقت احبه وما احبوش
وحلم حلمته وما طولتوش
فا عادي...بقى
بقيت انا الخرابيش
وهاعيش ولابد راح اعيش
ما هى الدنيا حاجه مبتنتهيش
ومين يهمه ومين ما يهموش
ما
انا
اصلي اخدت على الخرابيش
سارة ربيع
ساحة النقاش