الكون ده كده ليه حسابات غريبة
ومعادلات حسابية صعبة وفريدة
تمر سنين كتير ومحدش فينا فاهم
نحاول....نعرف ...نفسر
ونزهق فى الاخر ونقرر
انه قدر وامر و مكتوب
ستاشرسنة مرت يا بابا على وفاتك
وحاجات كتير حصلت فى غيابيك
والدنيا مشيت بينا يا بابا
والوقت عدي تقيل
و اوقات ضحكنا وبيكنا
و حواديت ورا حواديت
لكن الغريب يا بابا فى ذكراك السنه دي
حفيدك جيه يا جدو فى صباح مش عادي
صباح جميل وهادي
صباح ناده هو باعلى صوت
انا جيت للدنيا ياعـــــــــالـــــم
يا خلــــــــق
يا هــــــــــوووووو
يا اهلى
يا عزوتي وناسي
خمس سنين وقلوبنا متشوقة
لنور جديد يملى حياتنا ويخليها متزوقة
سبحانه عالم كل شئ
وهادنا يحيى
واحيا به قلوب كتير
عيل صغير وزنه ما يجيش 3كيلو
واسما الله عليه قمر وبدر منور
يحميك يا ابني من الانس والجان
ويرزقك برزق سليمان
ويزرع فى قلبك المحبه والايمان
وتبقي اسم على مسمى
وتبقى نور وشعاع لينا فى الضلمه
وتفرح قلب امك الى صبرت كتير
وتشيل اسم ابوك وتبقي ولا اجدع وزير
وتبقي ذو فكر وضمير
وحاجات حلوه كتير
ويحميك يا ابنى من كل شيطان رجيم
يا يحيي يا ابن اخويا الكبير
سارة ربيع
ساحة النقاش