يا فكرة انتى مجنانى

اروح  يمين تجيلى فى شمالى

تقولى اصحى وخرجينى على الورق

وبطلى كسل وكلام  وقلق

واياكى والنوم  فى العسل

بتزلزلينى

وتجرجرينى

لصفحه تانيه  مدوخانى

يا  فكره  انتى مجنانى

لا عارفه انام

ولا عارفه  اعيش

ورايحه جيه  تزنى  فى دماغى

ملعونه ده  انتى.. هاتتوبينى

هاتنقطينى

هاتخرجينى من  وجدانى

تفتكرى ممكن  تحررينى

وتعمرينى

وتكونى انتى بلدى التانى!!

يا  فكره انتى مدوخانى

هترحمنى  وتطلعى من  دماغى

طيب بالعند فيكى ..هافكر فيكى

بكل حته من  كيانى

ويا انا يا انتى

يا  فكره يالى مجنانى

سارة ربيع