|
غريبه [ألحان: هاني شنوده]
Song format: MP3
غريبه .. غريبه غريبه ومش غريبه إني أكون ويَّا الحبيبه دنيا مبتسْمَه ورحيبه وفجأه نكون زي القلوع ساعة الغروب مروَّحين بلا شطوط ولا حنين وانطفي ف الحال من غير سؤال
غريبه .. غريبه غريبه ومش غريبه إني أكون في لحظه مخيفه خبر كان وسط الصحيفه وفجأه أكون زي السطور زي السطور المليانين بحاجات كتيره منوَّرين وانطفي ف الحال من غير سؤال
غريبه .. غريبه غريبه ومش غريبه إني أكون في خطوه بريئه مهما أدوَّر ع الحقيقه وفجأه أكون زي الجنون زي الجنون جوَّه العيون ملوهش لون ملوهش كون وانطفي ف الحال من غير سؤال
سؤال [ألحان: أحمد منيب]
Song format: MP3
سؤال بسألك إيه آخرة الترحال وسهر الليالي وكل يوم بحال
سؤال بسألك إيه آخرة الأحزان دمعتي موَّالي والحنين قتـَّال
سؤال بسألك إيه آخرة الأحلام ليلاتي واخداني ف بحر م الأوهام
سؤال بسألك إيه آخرة العذاب تاعبني سؤالي ياريت ألاقي جواب
شبابيك [ألحان: أحمد منيب]
Song format: MP3
شبابيك .. شبابيك الدنيا كلها شبابيك وسهر والحكايه والحواديت كلها دايره عليك والكلام كان عليك واللي كان خايف عليك انتهى من بين إيديك دي عنيك .. شبابيك الدنيا كلها شبابيك
سرقت عمري من أحزاني سرقتـُه لكن ما جاني ولا حدّ شاف فين مكاني ورا الشبابيك دي عنيك .. شبابيك الدنيا كلها شبابيك
غيَّرت ياما كتير أحوالي ونا كنت عاشق وكان يحلالي أحب بسّ يكون حلالي ورا الشبابيك دي عنيك .. شبابيك الدنيا كلها شبابيك
أنا بعت الدموع والعمر طرحِت جنايني في الربيع الصبر قلت أنا عاشق سقوني كتير المُرّ ورا الشبابيك دي عنيك .. شبابيك الدنيا كلها شبابيك
يا زماني [ألحان: عزيز الناصر]
Song format: MP3
يا زماني إضحك لي .. إيَّاك تنساني يا زماني في الغربه .. نسيت عنواني يا زماني على فين أحزاني يا زماني على فين واخداني
ده زماني ناداني وفرش لي أماني نسَّاني مكاني ونسيت خلاّني ده الحلم الوردي مش طايلاه يدي وصبحت أنا وحدي
وزماني ليالي ف بحور وخداني وف موجها العالي وحدي سايباني يا زماني واخدني على فين إوعدني إمتى تريَّحني
باعتب عليكي [ألحان: أحمد منيب]
Song format: MP3
عليكي .. باعتب عليكي من عنيكي من نظره ف عنيكي من ورده دِبْلِت بين إيديكي باعتب عليكي
مهما بحار السفر بتسرقني والريح بتجرحني مهما بلاد الدنيا تنكرني والكل ينكرني ضحكتك بتنده لي نظرتك بتعرفني من عنيكي
مهما عيون الناس بتعرفني غيرك ما يعرفني مهما ليالي الوعد توعدني قلبك بيوعدني ضحكتك بتنده لي نظرتك بتعرفني
الأوتار [ألحان: أحمد منيب]
(غنـَّاها أيضًا أحمد منيب)
Song format: MP3
بنسهَّر الأوتار يطلع علينا نهار وإحنا مع المشوار عدِّينا بحور وجبال يا فرح يا هجَّار إمتى تجينا الدار ونسهَّر الأوتار
يا ليل يابو المجاريح ماشي في قلب الريح بازرع أنا التفاريح أسمر أنا وأخضر أنا شارب مياه نيلي ما قلت آه ويلي يا فرح يا هجَّار إمتى تجينا الدار ونسهَّر الأوتار
راكب حصان من ضي والحلم راح مش جاي لكن يا فرحي الجاي يوم المُنى أصفى أنا واحضن سنين عمري يطوي الحنين صبري يا فرح يا هجَّار إمتى تجينا الدار ونسهَّر الأوتار
باكيه عيون موَّالي ما قلت آه كان مالي أستاهل اللي جرالي وأسهر أنا وأدبل أنا تدبل ورود ع الخدّ ولا حدّ سامع حدّ يا فرح يا هجَّار إمتى تجينا الدار ونسهَّر الأوتار
يا مراكبي [ألحان: أحمد منيب]
(غنـَّاها أيضًا أحمد منيب)
Song format: MP3
ويا ليل .. من غير حبيب يا ليل .. أمرك عجيب
إن شاء المَوْلى .. هيلا هيلا راح نرسي ف مينا .. هيلا هيلا أيامنا على الله .. هيلا هيلا وقمر ليالينا .. هيلا هيلا يا مراكبي شدّ القلوع .. يا مراكبي مفيش رجوع .. يا مركبي آه يا مراكبي
الورد كان في كل مكان طارح مطارح لحبي والكون ده كان زمان ما يساعش حتـَّه من قلبي آه يا مراكبي شدّ القلوع .. يا مراكبي مفيش رجوع .. يا مركبي آه يا مراكبي
القدس [ألحان: هاني شنوده]
Song format: MP3
ينساني دراعي اليمين ينساني دراعي الشمال ينساني ننِّ العين وآهة الموَّال لو نسيت القدس
تنساني فرحه ف عنيَّا ودنيا خضرا جايَّه ينساني قلب الجميع تنساني بسمة ربيع لو نسيت القدس
تنساني أفراحي ينساني صباحي تنساني الشموس وتنكرني النفوس والنجوم والقمر والمطر والشجر تنساني الشوارع والبيوت وادبلْ .. ادبلْ أموت لو نسيت القدس
ينساني فرح النهار وضِلـِّة الديار ورَنـِّة الأوتار وضحكة كل دار لو نسيت القدس
تنساني بسمة ولاد ولهفة اللقا وفرحة الميلاد أبواب كل البلاد لو نسيت القدس
تعلالي [ألحان: وجيه عزيز]
Song format: MP3
تعلالي .. وكفايه هروب الشمس بتطلع مش خايفه تنسانا وهي على غروب
نظراتك بالحب تبوح وكلامك بيردّ الروح ترسم لي أفراحك دنيا وباحبك مطرح ما تروح
يا مروَّق وف لحظة شوق والبسمه بتاخدنا لفوق ولفوق طيَّرني في شوقي صدَّقني الدنيا تروق
وقمرنا طيِّب وحنون ساعات عاشق مجنون بتغازل أفراح الدنيا ويلوِّن ف شفايف الكون
صغير السن [ألحان: وجيه عزيز]
Song format: MP3
إشمعنى بتحب تحنّ عليَّا .. وساعات بتجنّ ترسمني عاشق بيئنّ أنا عارفك .. يا صغير السن أنا عارفك يا صغير السن .. خايف ونا عارفك يا صغير السن .. عارف ونا دايمًا عارف إنك حتحنّ قبل ما حتجنّ
أنا عارفك يا صغير السن .. رايق أنا عارفك يا صغير السن .. عايق يابو قلب فراشه للنار بتحنّ وكئنه ده حلم
عصفور [ألحان: وجيه عزيز]
Song format: MP3
وكئني عصفور متدلـَّع آه .. متلوَّع وف قلبُه حكايات بتولـَّع
راح أغنـِّي ولازمني أتدفا وابعد حزني ولكني باحسّ اكمني عاشق لزماني اللي تاعبني وكئني عصفور متدلـَّع آه .. متلوَّع وف قلبُه حكايات بتولـَّع
لو حقدر أغيَّر راح أغيَّر لو مش قادر .. أنا لازم أغيَّر واتغيَّر ولإني ماحدش كلمني أنا بامشي على شاطئ حزني وكإن العالم مش ملكي وكئني عصفور متدلـَّع آه .. متلوَّع margin-top: 4px; margin-bo نشرت فى 19 يناير 2007
بواسطة ozation
عدد زيارات الموقع
131,777
|
ساحة النقاش