بقلم الشاعر ***محمد أبو المعاطى محمد

ودن من طين و ودن من عجين
...........................................
ودن من طين و ودن من عجين
لما الإحساس بقا طين و الحال هجين
أشكى لمين و اقول لمين و احكى لمين
و أنا عايش مع مساجين و جوايا سجين
كلام الحب الأول كان ب يطرى
أما دلوقتى البنت بتتحول و أنا مضطرى
أبعد و أعيش مع نفسى لنفسى
و اسيبك يا حواء تسترجلى و تنافسى
و تشربى بيريل و تعاكسى
و تركبى عربيتك و تمشى عكسى
و أنا اركب توكتك و تاكسى
دا انتى حتى فى حب البنات بتنافسى
فاضل تنافسى حتى فى نفسى
خلاص قرب يطلعلك شنب
و من تحت نتوء و ذَنَب
و يبقى كده حالك انقلب
و تبقى الرجولة وجب
و الحياة عجب فى عجب
زى الصيام فى رجب
...........................................................