( مصر عندها فرح )..للشاعر/ منير خاطر

يوم الخميس الجاي

يعنى بعد يومين

مصر عندها فرح

والكل مدعوين

الناس اللى بيحبوها

واللى عليها خايفين

هتفتح قناتها الجديده

فحتوها مصريين

والخير بكره يعم

ويسعد الملايين

يارب عليك تحميها

من عين الحاسدين

واهدى كل اللى شارد

مش عارف السكه فين

ومفكر ان هوه الصح

واحنا المغيبين

تقولو دى قناه تانيه

يقول دول ترعتين

كل همو يوقف

المراكب السايرين

تعالوا كلنا نقولو

هيه ياسيدى ترعه

وبيها فرحانين

تقول علينا اغبيا

تقول علينا مجانين

قول يا سيدى اللى تقوله

بردو احنا المصريين

منير خاطر