............................ وحامينا حرامينا ...........................
تمر ساعات وراها ايام
وانا حالى على حـــــــــــــالى
تمر سنين وانا مشغول
وناسى كل احــــــــــــــــوالى
لايوم كان ببالى شىء يذكرنى
ولا عاوز اكون فاضى
وناسى النـــــــوم لاعمــــالى
وحتى لو فى يوم افضى
بكون مهموم باشغـــــــــــالى
وابه يعنى اكون حزنان
واعيش العمر وحــــــــــــدانى
وايه يعنى اكون فرحان
وافرح كل وجـــــــــــــــــدانى
وايه يعنى يمر زمــــان
اشوف مسكين بيعــــــــــانى
بشوف القتل براحه
بكل قناه تزيــــــع اخبــــــــــار
واشوف الناس بتعانى
واجســــــــــامهم تولــــــع نار
واشوف الدنيا بقت غابه
اسدها لامؤخــــــــــــذة حمار
لاهمه مين ميت
ومين صاحى وتخـــــفى الناس
وطول اليوم بيحكمنا
بالقوه بــــدون احســــــــــاس
ويجى الليل يحكمنا
بغــــانيه ومســــــــــــكة كاس
لافاكر رب هيحاســــــبه
ولافاكر نهاية عمــــــــــــــــره
وساعه حد مايعاتبـــــــه
يؤدى الحج وكام عمـــــــــــره
ومش مكسوف ببيت ربه
ووشه مافهوش حمــــــــــــره
ملابسه حرام واكله حرام
وشربه حرام وحكمه حرام
وحتى السجده بجبينــــه
اساسها حرام طول عمــــــــره
ويرجع تانى للكرســـــى
يجيب غانيه وكاس خمــــــــره
ونرجع تانى م الاول وايه يعنــى
وكل الناس تتحول وايه يعنــــى
واخون وطنى وابيع ارضى وايه يعنى
تقول اخوان تقول سلفى وايه يعنـى
بيقتلنى باســم الدين
ويسجنى باسم الدين
ويحرقنى باسـم الدين
ويخرب بلده بمزاجه
باسم الدين وايه يعنـــــــــــــــى
يبيع للناس اوهــــام
باسم الدين وايه يعنــــــــــــــى
ويزنى بالطريق العام
باسم الدين وايه يعنـــــــــــــــى
ويعمل شيخ وهو حــرامى
ويبقى صباح ويصبح رامى ...... وايه يعنى
يخون يقتل ويبقى عميل ........... وايه يعنى
كرهنا كل شىء فينـــــا
عشان كرسي هيحمينا
وحامينا حــــــــــــرامينا .......... وايه يعنى
وايه يعنى وايه يعنى
