البحث عن الضمير الكاتب / عبدالرحمن مؤمن الدهشان

هوا الصدق والمحبة والصداقة الحقيقية غايبة فعلا عن ناس كتيرة
ناس كتيرةقو ى تلاقيها أول ما تشوف بعضها من بعيد يقولوا لبعض بابتسامة زائفة اااااااااااااااهلا حبيب قلبى أو حبيبة قلبى وهاتك يا بوس ويا أحضان وبعد ما يسيب اللى كان بيبوسه ويحضنه وينافقه يتكلم عنه بافظع أسلوب ويتهمه بافظع الاتهامات
مش عارف ليه كدا ليه التعامل بوشين ليه الناس بتكلم على بعض كدا
الخوض فى الاعراض بقت أبسط حاجة عند ناس كتير
كام مرة فى اليوم بنسمع كلمة ( دى بنت شمال ) ليه كدا تتهم بنات الناس بالباطل لمجرد أن بنت ضحكت أ و أبتسمت باسلوب عادى متعرفشى ان أنت وأمثالك مرضى عاوزين ميدان عام تتلسعوا فيه فى الحر عشان تتعلموا الادب
وبقى أبسط حاجة شخص يتهم واحد أنه خاين وعميل للامريكان
وكل طرف يخون التانى وامريكا عمالة تضحك وتكرر هيا ومركز عمو صهين صهيون اللى شمتان وهوا شايف العرب والمسلمين بيخونوا ويضربوا وبيقتلوا بعضهم
الكلام دا اتقال كتييييييييير قوووووووى وكلنا حاسيين أ ننا تايهين
حاسيين بغربة فى بيوتنا بعد ما أغلبنا نسى السوال على أهله وناسه خلى أغلب علاقته باهله فون ونت والزيارات بقت للاهل قليلة
حتى البيت الواحد نفسه بقى متفكك تايه تلاقى الواد من دول قاعد على النت لو امه طلبت منه يجيب حاجة من تحت بيتهم علطول يصورها انه عنده شلل رعاش فى حين لو بنت كلمته فون قالتله الحقنى فى شاب بيضاقنى من كذا يوم تلاقيه قام فز علطول وعمل فيها (عنتر شايل بشلته ومطوته وكل ادوات الانحراف معاه جاهزة )
وتلاقى أمهات كتيرة برضه قاعدة على النت ساعات كتيييرة قوى يجى الواد يكلمها تقوله امشى روح لابوك حل عن دماغى يروح لابوه يلاقيه بيكلم زميلته فى الشغل فى التيلفون ويقوله غور من وشى دلوقتى
طب الواد هيروح فين غير لاصدقاء السوء او لبنات السوء او للمواقع الاباحية او للادمان او على الاقل يكون تافه لا ليه راى ولا ليه شخصية
ليه كدا * ليه الواحد لو شاف فى نفسه خطا بيسيب نفسه زى ما هيا تغلط مرة واتنين وتلاتة دون ما يحاسبها
وياترى هتفضل كتير كدا من غير حساب * لا وايه مستغربيين ليه نفوسنا علطول عايشة فى ضيق أقولكم حاجة حتى المحترم منا عايش فى ضيق لانه ساكت على الغلط لانه مش بيعمل دور توعية حقيقية باسلوب هادى وراقى عشان يوصل رسالة
رسالة بر الوالدين رسالة اعادة كيان الاسرة رسايل للتصدى لسلبيات المجتمع كل حسب تخصصه لكن أحنا فالحين نتكلم ونوعظ وفى داخل كل واحد منا ضعف فى شى أو نتقض ونسلخ فروة بعض فى الغيبة والنيمة والعياذ بالله
طبعا كلنا بشر بنصيب ونخطى لكن لازم نتعلم من خطانا ونواجهه
لازم الكل يتحرك وناخد بايد بعض وندعى كل يوم بالدعاء دا
(اللهم طهر قلوبنا من النفاق وأعمالنا من الرياء والستنا من الكذب وأعيننا من الخيانة أنك تعلم خائنة الاعين وما تخفى الصدور )
وياسلام لو ندعى كلنا لبعضنا بظهر الغيب يعنى سرا بينا وبين الله وترد الملائكة ولك بمثل مش تلاقى واحد يشوف واحد صاحبه أنتيمه ناجح فيقول ايه دا فلان الفلانى صاحبى عنده طاقة جبال وامل كبير فى الحياة وبيضحك علطول فى وشوش الناس لحد ما تلاقى الشخص الناجح رقد فى البيت ووشه اتلوح و ضحكته خبطتها الحسد والغل أو خلاص بقى على وش ولادة قصدى على وش هياكل عظمية
طب ياللى بتحسد او بتطلع اشاعات على الناس ليه ما بستعمل طاقتك وصحتك فى أنك تعمل حاجة مفيدة ليه مش بتحب روح التعاون والمحبة الحقيقة عشان متخسرشى الدنيا والاخرة* مع أنك لو بطلت غل وقر على خلق الله هتبقى برده شخصية ناجحة بجد مش ناجحة على ما تفرج
أخر شى بعد المنشور دا هلاقى نا س داخلة لى على الخاص تقولى مين مزعلك وانا أربيه او الاقى حد يقولى ليه كدا يا عبدالرحمن مكنشى العشم أو الاقى حد يقولى ويقولى كلام كانى الكلام مقصود بيه حد معين أو كانى بتكلم عن تجربة شخصية
وانا بقول للكل ( أقسم بالله العلى العظيم رب العرش العظيم ما قصدت بكلامى حد معين نهائى ) الكلام دا بكتبه بوجه عام على واقع مرير فى حياتنا كلها
لازم نغيره كلنا سوا بالاستعانة بالله والاستغفار ونكون كلنا ايد واحدة بجد فى مواجهة الفساد الاخلاقى والامية الثقافية والعلمية والمواجهة تكون بالحكمة والموعظة الحسنى بثورتنا الاخلاقية العلمية
دى مش أحلام ولا مجرد كلام ومفيش حاجة خير مستحيلة ابدا
فقط نحتاج لاخلاص نوايا أكتر وربنا يعلم ان فيه نا س كتيير بدأت من زمان فى تنفيذ دا
بس محتاجة ناس كمان وكمان* تكون صحبتهم وقلوبهم طيبة أو عندها استعداد تكون طيبة وتتغير للافضل
تعالوا نرفع شعار ( معا للتغيير الى الافضل دائما بالافعال لا بالاقوال )
ولنتذكر حديث النبى محمد عليه أفضل الصلاة والسلام فيما معناه ( الخير فيا وفى أمتى الى يوم القيامة )
أشكركم وأتمنى منكم التفاعل الحقيقى بعد هذا المنشور لما فيه صالح التغيير لانفسنا جميعا سويا والتغيير للافضل ثقافيا وعلميا لمجتمعنا وامتنا العربية والاسلامية