---------------------- لا عتاب ولا حساب ------------------------
دا مش عتاب وحساب ---- انا بس كسرت الباب
كسرت باب الغيره ---- ومعدش تانى حيره
بطمنك يا حبيبى ---- يا للى سبب تعذيبى
انى خلاص فهمت ---- وكمان انا اطمنت
اطمنت على حالى ---- وكمان على بالى
يا حبيبى يلا روح ---- زيد فى البكا والنوح
على قلب كان وياك ---- دايما بيتمناك
طول عمره عاش يهواك -- ويسعد بعمره معاك
ونت جرحته كتير ----- عرفته كيف ينساك
ابكى عليه بالدم ---- حياتك هتبقى غم
دور عليه فى اليم ---- مش هتلاقيه يا عم
ابكى عليه وخلاص ---- وتوه ف وسط الناس
والناس هتبكى عليك --- بمنتهى الاحساس
وساعتها بس هتعرف ---- انك يتيم فى الحب
وكمان هتعرف انك ---- يا عم من غير قلب
ولو فكرت تحب ---- هضحك عليك الناس
لان الحب له معنى --- اغلى م الدهب والماس
ونت يا عينى عليك --- ولا فهم ولا احساس
