محمد السعيد
__ ( مادد إيدي ) __
كلمات /محمد السعيد
*******************
مادد إيدي ما تكسفهاش
ماتحاولش تقسي قلبك
بعدك حياتي دي ماتسواش
أمان الدنيا حاسه جنبك
حبيبي فرحني
حبيبي ريحني
قولي بقى
إنك مسامحني
عمال بقول هقوله إيه
ولو مارضيش ايه هيكون
انا قلبي فيه اللي مكفيه
مش ناقص احس عليك بهون
عارفك قلبك طيب حنون
ومش ترضى تجرحني
حبيبي فرحني
حبيبي ريحني
قولي بقى
إنك مسامحني
ياما زمان سامحت كتير
فيها إيه لو نتصالح
كان نفسي وانا جايلك أطير
واقولك حبيبي سامح
احنا في النهارده وننسى امبارح
يا حبيب قلبي سامحني
حبيبي فرحني
حبيبي ريحني
قولي بقى
إنك مسامحني
