اصعب الأوقات بقلم الشاعر / محمد السعيد

(( أصعب الأوقات ))

كلمات / محمد السعيد
_________________

أصعب الأوقات
وقت الانتظار
لما يغيب حبيبي
ومالاقيش أعذار

وقت الوحدة وقت الحيره
وقت ما بكونش فيه أنا
ولو دقيقه بتبقى كتيره
ولو كان يوم بيسوى سنه

كل شويه بشوف الساعه
واحكي معاها وقلبي في نار
واحس كإني صعبت عليها
والاقي قلبي معايا احتار

واقول لنفسي الصبرشويه
والاقي كلامي ما يعجبهاش
والاقيها تقوللي صبرت ياما
بعد ده كله وماكفاش

كل حاجه قصاد عينيا
بتتغير ماعرفش انا ليه
تعالى حبيبي انا في انتظارك
ياريت تحس بللي انا فيه

وقت الوحدة وقت الحيره
وقت ما بكونش فيه أنا
ولو دقيقه بتبقى كتيره
ولو كان يوم بيسوى سنه

إلغاء إعجابي · تعليق · مشاركة