أنا العاشق بقلم الشاعر / أحمد عبد الرحمن

.انا العاشق ......
. انا العاشق ومش قادر
اقول عاشق انا ليكى
انا المشتاق ومش عارف
اقول مشتاق انا ليكى
انا حسك وكيف ازاى
حاسس بيكى؟
انا تايه ف بحر هواكى
اشوف الدنيا ف عنيكى
سما صافية.. عيون دافية
ونهر الحب يوضيكى
ولما ف يوم ياروح قلبى
ايديا تمس اياديكى
وعينى اسيرة لعنيكى .
.اناديكى ..واناجيكى
والاقى شفايفك الحمرا
بلون الورد تحليكى
واحس النار كما الجمرة
تطفينى وترويكى
اقرب خطوة واقطفها
يسيل الشهد من فيكى
اقول الله .............
لو الدنيا لنا باقية
وتسعدنى تخليكى
ولما ابص فى طرفك
واشم العطر من طرفك
ولون الحنا فى كفك
وقلبى يقول انا شايفك
الاقى الدنيا فرحانة
تنبت ورد حواليكى
وامشى من ورا خطوك
الاقى الصخر بيطلع
زرعه من خطاويكى
اموت فيكى ..
احييكى ...
ابوس على اياديكى
حنانيكى .حنانيكى
وتمشى بقدك المياس
وعودك يضوى كالالماس
وشعرك ليل ياست الناس
وخلخالك يموت ناس
الف وادور وانا محتاس..
تضيع الكلمة والكراس
وبعيونى اخبيكى
وبرموشى اغطيكى
وحضنى الدافى يؤيكى
وتجرى جوة فى عروقى
وشريانى يناديكى
اياليلى ...
انا المجنون
انا روميو
طفل فى نواحيكى
كثير هام فى عزة .
.وقلبى فاقه فيكى
جميل بثينة الولهان
وانطونيو انا ليكى
وبذرة حب اغرسها
نخيلا فى روابيكى
وداء العشق ارشفه
شفاءا من سواقيكى
ايا عشقا تربع كل العروش
تعالى ...
واسمعى منى ارضيكى
انا حائر........ انا دائر
مابين شعرك وبين شعرك
مابين ثغرك وبين نثرك
وبين رفعك وبين خفضك
مابين حالك وبين وصفك
مابين مدك وبين عطفك
وبين الهمزة فى وصلك
كسوف الحرف من لطفك
مابين الاه
بتكوينى وتكويكى
اقوله كله فيكى
واغدوا رائحا فيكى
ايكفيكى ؟
انا عاشق ومش عارف
اقول ازاى بموت فيكى
انا حاسس ومش قادر
اقول ازاى حاسس بيكى
انا فى النار بناديكى ..
نارى وجنتى انتى
طوافا من حواليكى
ايرضيكى ؟
ايكفيكى ؟
تكون القبلة ف عنيكى ؟
      .........................د \ احمد عبد الرحمن