ركضت بين ظلمات الإشتياق بقلم الشاعر / حاتم سليمان

ركضت بين ظلمات الاشتياق
بقلم / حاتم سليمان
12/5/2015

مش قادره ابدا اتحمل
الشوق في قلبي صحاني
لا قادره انسى واكمل
ولا عايزه اقعد في مكاني
خرجت اجري ومش عارفه
على فين السكه وخداني
مخنوقه بصرخ من المي
ياحيرتي ياللي ظلماني
بقول نسيته وهستحمل
كلام بقوله بلساني
لكن الحقيقه بتجمل
كرامتي كانت سجاني
احساسي عمره ما يتحول
لكنه تاه عن عنواني
نفسي ادله واقرر
تايهه في ظلمه احزاني
انجو بنفسي وأتتحرر
يرجعلي قلبي من تاني
وعشان حياتي ما تتبدل
والهم يقدر ينساني
لازم امالي تتعدل
واشوف بقيه الواني

إلغاء إعجابي · تعليق · مشاركة