ام الحكاوى بقلم الشاعر / حاتم سليمان

قصيده بعنوان : ام الحكاوي
بقلم / حاتم سليمان
19/5/2015

فنجان قهوه .. وقلم ..
وعشر ورقات
بينادو على الحكايات
حكايه جايه مقربه
مشتاقه للأبيات
وحكايه لسه مغربه
تايه جوه السكات
نفسي اقاطع الروايات
اكتب كلام عادي
ولا وزن ولا قافيات
قالو هتكتب بالتراضي
ومش هنقلب في اللي فات
قلت مفيش غير بلادي
تصحي حروفي من الممات
قدري ومكتوبي
من الامل محروم
الظلم كان سايق
متغمي في دروبي
وصراخي مكتوم
بقيودي متضايق
حررت بحروبي
اللي كان مسلوب
قدام كل الخلايق
لكن فضلت قيودي
الحر كان مغلوب
كان الفساد فايق
قومي بقى قومي
ردي اللي كان منهوب
مالظلم مش طايق
اليوم طلعت نجومي
زي الخرز ملموم
بعقد متعايق
ونقشت على توبي
اسمك يابلدي يدوم
كان التوب لايق
شالك على كتفي
شال كل الهموم
عدى النسيم رايق