ودعتك وسبت قلبى بقلم الشاعر / محمد السعيد

___ (( ودعتك )) ___

كلمات / محمد السعيد

*********************
ودعتك وسبت قلبي معاك
ولا عارف ازاي هتكون حياتي
ودعتك وعينيا تلمح خطاك
و روحي تنادي عليك بأهاتي

وبقول البعد ان طال
هعيش من غيرك ازاي
واهي مش محتاجه سؤال
اكيد انا هلاقيك جاي

ماهونش عليك انا
برغم ده اختيارك
هتعيش في راحه و هنا
ولا هتعيش في نارك

ودعتك من غيركلام
ماهو صعب في الوقت ده
لقيتك بتقول سلام
ودموعي ردت كده

قلبك مش متأثر
وشايف دموع حبيبك
ولا خلاص هتقدر
تنسى إني نصيبك

ودعتك وسبت قلبي معاك
ولا عارف ازاي هتكون حياتي
ودعتك وعينيا تلمح خطاك
و روحي تنادي عليك بأهاتي