عينيكى سحرانى بقلم الشاعر / علاء زايد

( عينيكى سحرانى ) بقلم / علاء زايد
****************
حبيبتى عنيكى سحرانى وسرقانى
من الدنيا و م الأيام
وبأهرب منها ألقانى
حاضنها حتى فى الأحلام
مشاعرى ليكى مش زايفه
ومش ممكن تكون خايفـــه
دى حاجة أقوى م الأيام
دى شئ بيهز وجدانى
وبيفتت فى جــــدرانى
وينسج منى أحلى كلام
بتقتل جوه قلبى الشيب
وتخلق قلب صبيانى
يعيش تانى ويعشق
زى أى حبيب
مشاعرى ليكى مش طايشه
ومش ممكــن تكون خايفــــه
لا م الدنيا ولا الأيام
حبيبتى عنيكى سحرانى وشغلانى
وبأهرب منها ألقانى
حاضنها حتى فى الأحلام .