العرض متكرر.... بقلم /بهاء اللبودى

العرض متكرر
*******
من دهر عدّى وفات
والقصة دى بتتعاد ..
حواديت ورا حواديت ..
حكايات تجيب حكايات .. 
مكتوبة 
لك خطوات 
مفروض
عليك نهايات 
****
البعض من كُله
والُكل فاض كَلّه 
فاقد حنان اُمه 
عطشان دفا و آمان
***
الفرح بيمرر
الصبح متأخر
والليل رفيق يستر
جرح القلوب ما يبان 
***
رحّال بعيد وطنه
عشمان يزول همه
قش الغريق خزله
والغُلب وجعُه سكات
**
صدقنى يا منّى
اسمعنى يا ننّى
ده
العرض متكرر 
والنسخة دى بتتعاد ..
***

بقلمى بهاء اللبودى