(( في الدنيا ))بقلـــــم /محمد عطيه محمد

رباعيات الأحزان (( في الدنيا ))
( للحزن في قلبي مكان  )
في ناس تعيش .. . .. علشان الناس
وناس تدوس .. . ..علي كل الناس
وناس تعيش .. . .. بلا أحساس
وناس قلوبها .. . .. أغلى من الماس 
في الدنيا ياما كثير هنشوف
وكلة يابا علي المكشوف
معدتش فيها خجل وكسوف
الكل باين بقى معروف
في ناس تعيش .. . .. في المر سنين
وناس وحوش .. . .. مش بنأدمين
وناس تعيش .. . .. وتموت مساكين
وناس لسانها .. . .. كما السكاكين
في الدنيا ياما كثير هنشوف
وكلة يابا علي المكشوف
معدتش فيها خجل وكسوف
الكل باين بقي معروف
في ناس وشوشها .. . .. سمح وبشوش
وناس قلوبها .. . .. ديابه ووحوش
وناس يخونوا .. . .. ولا يضحوش 
وناس غلابة .. . .. ما بيخافوش
في الدنيا ياما كثير هنشوف
وكلة يابا علي المكشوف
معدتش فيها خجل وكسوف
الكل باين بقي مكشوف
كلمات الصدق
فارس الليل الحزين
محمد عطيه محمد

6 / 3 / 2016