. تعالي نلم الأوجاع..!! ..الشاعر /حسن الشوان

.......................... تعالي نلم الأوجاع..!! .................
.......................................................................
تعالي نلم الأوجاع
من قلوب الناس
واللي وقع وضاع
نشطبه من الكراس
تعالي نحسب أوجاعنا
بالميزان الحساس
واللي جرحنا ووجعنا
واللي فرحنا بالإحساس
واللي غدر بينا وباعنا
بدون قيمة وبلاش
تعالي نلم أوجاعنا
ونعيشها بإخلاص
صحيح ح توجعنا
بس ندوقها وخلاص
ونوصفها للي خداعنا
ولكل غادر غشاش
إن الحق دايما معنا
وعمره ما حينداس
ونعرف اللي ضيعنا
واللي مسألش وباش
واللي في عز أوجاعنا
محسش بينا ومجاش
واللي مرضيش يسمعنا
ح يدفع التمن ويحتاس
..........................................................
...................... إحساس / حســن الشــوان ........

.........................22 / فبراير /2016..........