حاسبوني لو كنت غلط... الشاعر /حسن الشوان

حاسبوني لو كنت غلط .........
.................................................................
حاسبوني لو كنت غلط
ومفيش إنسان معصوم
حاسبوني لو كلامي زلط
قد إيه عشت محروم
حاسبوني لو سرح الخط
وجوايا طن هموم
حاسبوني لو كمان إتكبرت
وبقيت ظالم ومظلوم
واه يا وجعي من الكبت
مش لاقي لقمه ولا هدوم
انا شاعر ربابه
للناس الغلابه اللي تحت
وعشانهم مخنوق
عزقت بقوتي ونزلت فحت
في كياني المشنوق
والسما بتبكي ألم وسحت
ولونها بقي مذنوق
إذاي أقول بفرحة إرتحت
والناس مش لاقية النشوق
....................................................................

................ إحسـاس /حسـن الشـوان ..................