جارى التحميل
استخدم زر ESC أو رجوع للعودة
يا مظلوم
يا مظلوم ارتاح
عمر الحق ماراح
ليك يا ظالم يوم
تشرب أسى وجراح
ياللى اتظلمت خلاص
مستنى إيه من الناس
ده زمن مالوهش أمان
فيه الغلبان عليه ينداس
ولا شكوى غير لله
ما تخافشى وانت معاه
صبرك ده رب كبير
عليم وبصير ولا بينسى
يا ظالم على فين
لو عشت لك عمرين
بكره تموت وهناك
أمام الله ترد الدين
بكره ميزان وحساب
ولا عزوة ولا أحباب
اخرتها كل أحباب
طلعت بنيت أمل كداب
ومسيرنا فى يوم هنتحاكم
نيجى مظلوم وظالم
وملايكة وربنا الحاكم
وهتترد المظالم
كل اللى زرعته فى حياتك
تجنيه قصاد الناس
ويشوف الكل مأساتك
وانا أبقى عالى الراس
لك يوم يا ظالم
تندم على اللى كان
يا مظلوم
بقلم/الشاعر حسام ابوحمدالله
المصدر: مجلة نسمات شعرية الإلكترونية
