حبيبتي بتغير....الشاعر /محمد رضوان

حبيبتي بتغير....

الغيرة عندها كبيرة .. لو حد كلمني .. تبقي للغيرة أسيرة .. يحصل غضب وخصام .. والكلام يبقا معايا حرام .. وليلتي سوده كحيلة .. 

عرفتها امتي وازاي وفين ؟ 
من شهر والا اتنين ؟
بتسلم عليها بحرارة .. وايدك بتقولي أمارة .. 
تعرفوا بعض من سنين ... 
والنظرة ليها طولت .. والنظرة منها حولت ..
دفة قلبك درجتين ..
والكلام مش سمعاه .. همس طالع بتنهيده .. لخبطه في حالك .. مش ده كان في بالك .. وتحقق من يومين ...
سألتك ع الخاتم في صابعك ؟مين ادهولك
قولت من آمي .. 
من حوالي سنتين .. مقدرش اشيله .. اصله زانق حبتين .. والسلسه في صدرك ؟ 
مش حرف واحد حرفين .. 
حاسه بيها في نفسك .. مش دريان بنفسك .. تاية
حيران كتير .. بتغلط في اسمي .. ناسي حتي شكلي .. ولون عيوني لون واحد والا اتنين ..
عايزني ابقي زيها ؟
.. ضحتها .. لبسها .. مشيتها
ولو سالتك ...؟
تقولي أحب اشوفك قمرين
لو جت سيرتها مره .. بتكون في خبر كان .. تنسي حبي ليك .. وتفتكر زمان .. وتقول قسمة ونصيب
متعرفش تكون حبيب ....
غيرتي عليك بتكون واضحة .. مش ضحكة خايفة وصفره .. الحب عندي امتلاك .. 
خدها حكمه مني .. القلب ميساعش اتنين
لو عايزة رحلها .. يمكن سعادتك عندها .. 
وبكره تبكي سنين .. ايوة انا غيوره .. ومحبش أكون كوره بين اتنين .. 
اكتبلها الشعر .. ونظم سطوره .. واسهر معاها الليل بطوله .. واهمس لها .. واضحك لها .. أما أنا
كبريائي سيف .. حد واحد مش حدين
هقطع وصالك .. مش هطفي نارك .. زي مسبتني
هسيبك .. مش هبكي في يوم عشانك ..
الدموع ترأف بحالك ..