إحلق دقنك رش كولونيا 
وانسى العالم لو فساكونيا
ليه كدا سارح ويا امبارح 
دا اليوم بيعدى كدا فثانيه
.. إلحق نفسك بقى على فكره 
إياك تستنى ولا لبكره
عيش اللحظه هيا اللحظه
واكتب كلماتك للزكرى
.. إوعى لا أحزانك تطويك
والهم يدور من حواليك
بأماره الحزن دا خساره 
والفرح يكون مكسب ليك 
.. حياتنا كلها حدوته
حلوه ولا حتة بسكوته
شوف اللوشاش ازاى مفيهاش
كلها فرحانه ومبسوطه
.. عند البراح سيب الجراح 
واضحك وعيش يومك مرتاح 
إنزل وامشى ومتفكرشى 
لا ف اللى جاى ولا ف اللى راح