عايشين فيكي يادنيا محتارين........
فيكي الغدر والخيانه متأصلين...........
كلمتين والأحباب منهم متعذبين.......
وناس كتير منهم ندمانه.......................
وقلوبنا معانا منهم تعبانه.....................
ومن حال الدنيا حيرانه......................
*****************************
شويه حب و شوق وحنين...................
وشويه آهات ودموع وأنين.................
وعايشين في دوامه ومش داريين......
نحب ونعشق ونسهرالليل وفالهوى دايبين..
وماحد فكر يتوب ولو عايشين متعذبين...
والعمر بيعدي بين فرح وحزن وتروح السنين....
****************************
والليالي بتاخدنا وتودينا للأحلام.........
ليالي حب وليالي غرام........................
وليالي عايشنها بنتألم..........................
ومن هجر وخصام الأحباب مابنتعلم...
وقلوبنا تايهه بين فرحة اللُقا وعذاب البعد والأيام...
وكل شويه بيتغير حالنا لحال..............
لا عارفين نحب ونعشق ونريح البال
ولا بنرتاح لو عيشنا في الخيال..........
ونلاقي حبيب يهون عليه يخون ويغدر بحبيبه..
ولو بقاله سنين وسنين بيحلم بلقاه وبيتمني يبقي نصيبه....... 
وتفضل قلوبنا متعذبه معانا.................
واحنا حياره بين حبنا وهوانا..............
وبين قسوة قلوب عايشه جوانا...........
وبين عزة نفسنا ودموع عنينا..............
والدنيا عماله تضحك علينا...................
والنهار يصبح ليل علي الحياريٰ...........
والليل يصبح طويل علي السهاريٰ.......
*****************************
وتفوت سنين عمرنا ......................
ونندم علي كل اللي گان.......................
ويروح هدر شبابنا مننا.........................
ونقول ياريت اللي كان ماكان..............
وياريت يرجع بينا تاني الزمان...........
ليه تبقي الحياه معانا ....................
والسعاده تروح من بين ادينا...............
ويعدي العمر وما نعيشه لينا.................
ولا نسعد بيه اللي بيحبونا..................
ولآ نِفرح ونّْفَرح إللي حوالينا...............
وبعد مايروح الحلو جوانا....................
نفضل نشكي علي أحوالنا ..............
ونحكي علي موالنا .......................
ونبكي علي ايامنا واللي جرالنا............
*****************************
اما يادنيا صحيح فيكي عايشين
مساكين تغدري بينا ومش حاسين.....
فينا اللي بينادي الحب عليه ............
وبيبقي بين ايديه وقدام عنيه...........
ويضيعه علشان مش حاسس بيه........
وفينا اللي بيدور ونفسه يلاقيه...........
ويفضل عايش ف خياله مستنيه.........
وفينا اللي بيحب ......... 
وحبيبه مش عاجبه ولا عرف يرضيه..
وفينا اللي يفضل يجرح ويعذب فيه...
وفينا اللي مش حاسس بنعيم حبه ولا بيحتويه..
*****************************
والعيون محتارين معانا ومساكين.....
وبين دموع الفرح والأحزان منهارين...
والدنيا عماله تلعب بنيا شمال ويمين..
وليل ونهار فيها مش مرتاحين.............
وعيونا وقلوبنا لبعض معاندين...........
لو العيون حبت القلوب تخالف ........
والقلوب لوحست العيون ماشافت...... 
اما صحيح يادنيا غريبه.......................
ملكيش أمان وغداره ومكاره..............
مليانه حقد وغل ونفوس طماعه.........
وقلوب بأعز الناس غداره...................
ومحدش فيكي يادنيا واخد باله........
المحروم مش راضي بحاله .............
واللي معاه مشغول بماله ................