حبيت بجنون ليه ياعبدون
عقلك وياك وللا انتا بدون
خايف عليك م اللى حواليك 
قلبك يعشق من عالم دون
ياحبيبى مفيش زى الأول 
دا نظام وخلص من عمنول
وياك القرش تنام ع الفرش
منغيرو مش ممكن ومتقدرش
بنت الجيران خدها بادمان
جابلها فيلا وعربيه كمان
والحب راح دفنوه وارتاح
وهتعمل ايه انتا يا غلبان 
أيوه الأصول جايا على وصول
راح تعذر لو شفت المحصول
الناس عمليه .. ليها هديه 
مش حب وحبة حنيه
أبو كرش بيحلا ويا القرش 
واللقرع شايل كل الفرش
وهتعمل إيه ياسعادة البيه 
عمال تهرش فجيوبك هرش
المال فى الحب بيتحكم
واعى لكلامى وللا مزكم
لو عندك برد امسكلك فرد
تتكهرب تصحى زى القرد
حبيت بجنون ليه يا عبدون 
عقلك وياك وللا انتا بدون