جارى التحميل
استخدم زر ESC أو رجوع للعودة
ضيعت جهدى ومجهودى
وانا لسا يادودى على حدودى
بسأل وبقول والشرح يطول
مين فيكوا المبسوط بوجودى
لفيت وتعبت كتير م اللف
وحزامى على وسطى بيتلف
وبقول أشعار بتودى النار
منا قاعد بضرب كف بكف
خلينى جنبك .. يا سكينه
أنا عارفك زيى .. مسكينه
أنا نفسى أعيش متحيرينيش
وسيبينى فى سكون وسكينه
الناس تعبونى .. لفلفونى
خلونى أقفل .. تليفونى
وتشيل الهم .. ليه يا عم
دنا لقمتين .. بيكفونى
ياسلام لو بعرف بس انام
واشوف الدنيا فى الأحلام
واسمع حدوته مش ملتوته
مش بس كلام واد عم كلام
هات يابنى عروسه تخطبنى
تسأل على أهلى وتطلبنى
زهقان تعبان وكمان غلبان
والوحده بدأت .. تغلبنى
ضيعت جهدى ومجهودى
وانا لسا يادودى على حدودى