متغربين جوه الحياه
مستنين طوق النجاة
متعودين نفضل كده
متعودين منقولش اه
فرحتنا مش متكمله
وقلوبنا مش متحمله
ممنوع نقول اه م الوجع
بصراحة صعبة المسألة 
بصراحة صعبة المسألة 
ومنين نجيب صبر لكدا
وكل حاجه معقدة
ولو شوفنا حل بعيد نروح 
نلاقي بيبانه متسدده
مهو طول مافي قلوب من حجر
بتقسي علي كل البشر 
تلاقي دموع ملهاش رجوع 
وتحس دايما بالخطر
والاخ بقا بيقتل اخوه
وكمان قتل امه وابوه 
عايشين في غابة وسط الديابة
خايفين في يوم نهرب نتوه
مابعبش ابدا ع الزمن
بس البشر لا تأتمن
بحلم بزمن غير الزمن 
يكون فيه البشر احن 
ومتغربين وسط الزحام 
انا نفسي مره في يوم انام
واصحي الاقيني في دنيا تانيه 
مليانه فرحه وابتسام 
وننسي الوجع واللي اتبدع
وننسي خرفات الودع 
وتكون قلوبنا مليانه خير
واللي غاب نلاقية رجع 
اصل بصراحة انا قلبي تايه 
واتوجع