مابين الهمسه واللمسه
أنفاس تطلع تلاقيها
تحضن هواك بلهفه
ووجودك دوى ليها
والبسمه ديما 
## ع الشفه##
وليه بس أداريها
داحبك قدر ومقدر
وإنت نور لياليها
وطعم الدنيا بقى 
##مسكر##
وحبك ليا محليها
خلاص مابقتش تاني
## أفكر##
وفرحتي بيك هخليها
جوايا كل يوم تكبر
وبكاس محبتك أرويها
وف قلبي تحكم وتؤمر
يافرحه وقلبي طار بيها
وصوت الضحكه بتجلجل
وجودك جمبي معليها
وغصب عني عيوني
بتحكي كل اللى فيها
وخايفه العيون تحسيدني
ومش قادره أخبيها