ولما سهرت الليل كله وانا بناجي البحر واحكي
ومن هجر وظلم حبيبي وعناده ليا عمال له باشكي
قولتله ده حبيبي نساني يابحر الليل وحلاوته وساعاته
وخلا قلبي انهارت جوايا نبضاته ودقاته
بعتلي البحر من عنده ودع كبير وقاللي علشانك هديه
وشوشه وقوله علي شكوتك وابعته تاني ليا
فرحت بيه وكلمته وقلتله ياساكن البحر وبإيدي بسرعه مسكته
وشوشتك ياودع وحملتك امانه وحلفتك ليا اوعي تخون
اصل انا في حب حبيبي وبعشقه مجنون
ومهما يلوموني عزالي وحساده عمره عليا مايهون
روح ياودع لحبيبي ونور عنيا وقوله كفايه عليآ
وقوله ياأحلي هديه يرضيك تفوت قلب حبيبك عليل
وليه تهجره وتعذبه وتسهره الليل وتخليه عليه طويل
من يوم ماسيبته وقلبه معاك راح ومن يومها بيعاني وما ارتاح
وامانه ياودع خليك وراه يمكن تخليه يحن علي قلبي ويفرحني تاني
وقوله حبيبك من يوم غيابك واخد علي خاطره منك وبيعاني
وقلبه علي طول حزين من يوم بعدك وما شاف النوم من هجرك
وقوله مجروح منك وعايش سواح ونفسه تنسي ظلمك
ولو حنيت عليه وجيت معايا قلبه هينسي حتي العتاب وهيسامحك
ماهو قلبه ماشاف يوم هنا ولا شاف أفراح من يوم غيابك
يمكن ياودع مراسيلي اللي قبل منك كلهم خانوني
حتي أعز اصحابي حملتهم الأمانه علشان يصالحوه مارحموني
ويمكن لما تروحله وتقوله وتحكيله عن عذابي يحن عليا ويجاملك
خليه ياودع يرحمني وأمانه عليك ماتسيبه وهاته معاك
وقوله دا هو حبيبك وطول عمره من بين كل البشر اللي بيتمناك
وعايش حياته علشان سعادتك وهناك ورضاك
وامانه عليك تقوله من يوم خصامك ودموعه علي خده نارها كوياه
ولمين غيرك ياودع اشكي وقلبي جوايا خلاص تعبآه الأآااه
وعمال أبكي ليل نهار يمكن حبيبي ينسي خصامه ويفتكر هواه