متسألنيش إزاي قادر اعيش...ومين قالك إني عايش دا الحياه من غيرك متلزمنيش
بس الفراق دا مبيديش
والدنيا ف بعدك والله متساويش
من يوم فراقنا ياليلى الالم والشجن
نازلين فيا تلطيش
بس كان لازم ابعد لاني مش هقدر
اشوفك ولا تكلمنيش
متزعليش 
انا عايش كما الدراويش
بس هما سرحانين ف ذكر ربهم
وانا سرحان ف حزن مبينتهيش
لو قالولك اني جاحد لحبك
او ناكر لليالي ال متتنسيش
متصدقيش
وقوليلهم انتو كدابين لو 
قالو انه محبكيش
طيب ازاي محبتكيش
دا انا كنت عايزك جوه قلبي متخرجيش
كنت بتمناكي تبقي سندي عشان ضهري ميتحنيش
فاكره إني نسيتك تبقي معرفتنيش
دا قلبي من يوم فراقك مريحنيش
وطيفك معايا وماسبنيش
فاكره اول مره قولتيلي بحبك
الكلمه دي مفرقتنيش
انا حبيتك وصاين للعهود متظلمنيش
وتقولي محبتكيش
بس حقيقي مش قادر تشوفيني 
واشوفك ومنحكيش
متفكريش إني عايز ابعد لا
دا الشوق مرحمنيش
بس إزاي اناديكي متسمعنيش
واكلمك ومترديش
وتقولي سمعاك ومش عايزه ارد
طيب ازاي كلام زي ده ينزل على قلبي
وميكسرنيش
ياليلى انا بشر مش حجر
وحبيتك وبعاتبيني على شئ مليش دخل فيه 
دي اشواق واحاسيس ساكنه ف القلب والنغاشيش
خليكي مترجعيش وبالموده متعطفيش
بس مكتوبك فيا تعيشي وفيك اعيش
ولو لقيتي الشوق بيقتلني متعزرنيش
بس اوعاكي تصدقي لو قالولك محبكيش