البسمه ماليه وشها 
ضحكتها فرحها شفتها 
قربت منها حبتين 
حسيت بحاجه في قلبها 
بتداري جواها الكلام 
بضحكه واحده والسلام 
باين عليها لوحدها 
بس الحكايه مش كلام 
يمكن يكون 
في القلب صوره اتكسرت 
مع حلم كان عايشه معاه 
وفي الحقيقة اتبدلت 
يمكن يكون خايفه تقول 
او تحكي حتي ع الواجع 
اصل الوجع جوا القلوب 
وخايفه تاني تنخدع 
لمعة عنيها صغيره 
والقصة سهله مسطره 
تنسا الي فات 
تنسا الاهات 
هتبقي ورده معطره 
ومني ليها مليون تحيه 
لدموع عنيها المدارية 
بدعلها دايما بالأمان
وم التعب ترتاح شويه