وگانت ليله احلي ليله في عمري كله
شوفت فيها حب وغرام ماحد من الحبايب شاف زيه
عن الحب وحلاوته فضل حبيبي الليل كله يقوللي وأقوله
وماكنتش اعرف ان الليله هتبقي لحبي الليله الأخيره
وحبيبي هيفرحني ليله واحده وهيبكيني عمري كله وهيسقيني ظلمه
وهيسبني في الدنيا وحدي عايشه في حيره
ياألف خساره علي حب گانت بتفرح بيه قبل مني النجوم والكواكب
كإنه ريح وهاج منه موج البحار ومزق قلوع كُل المراكب
دانا لما كنت ببقي معاه ببقي حاسه بلهيب الشوق والغرام بيمزق ضلوعي
وآااه ياندم علي حب گانت اوقات لُقاه بتفرحني وبتنسيني أيام دموعي
خدعني وغدر بيآ القاسي وسابني أحبه الحب كله لحد مازاد جوايا لمداه
ودي الوقتي زادت جوايا لوعة الفراق والشوق والّْلُقآ لحد منتهاه
وآااه ياقلبي آااه..وآاااه من ظلم الحبايب لينا وعلي الحب الف آاااه
وآااه ياناري ياللّْي نارك أصعب من نار الوقود جوايا
بتاكل حشايا ليل نهار وكل حته فيآ بتقول بأعلي صوت الأآااه معايا
واعمل ايه في روحي اللي خدها اللي كنت فاكرآه حبيبي معاه
كنت باحس وياه گإني طير وطاير فالسما فرحان وحاسس بالأمان
ياما رسمت للحب صوره في خيالي وكنت مشتقاله من زمان
وصدمني آخر ساعات الليل وطلب يودعني..ونسيت ساعِتها مين أنا
لما قاللي هسافر علشان أكَمِّلّْ عِّشّْ حبنا
وراجعلك أوام ياحبيبتي بعد يادوب سنه
وغصب عني اتحملت لحظة وداعه ودموع عنيآ علي خدي گانت بتجري
وهو يقوللي وحياتك عندي ماتبكيش ياحبيبتي علشان خاطرى
وزاد عذابي وعانيت مراري.وعيني سهرانه علشانه الليالي ومن يومها مخاصمها النوم
وأول ماسافر اللي گان بيكلمني واكلمه عشر مرآت في اليوم
كنت حاسه ف غيابه عني إني عايشه ومش عايشه وأفكاري معاه غايبه
وكل أحلامي في ليلة العمر لما يرجع حبيبي وكل أحاسيسي تايهه
غاب شهرين تلاته يكلمني واكلمه وف كُل مره يدوبني حبه ويقتلني شوقه ومن جوايا متحيره
وإتغير فجأه حاله وحسيت بيه لما بقا يكلمني كل يوم مرتين ونبرة صوته متغيره
وگان كُل يوم بيقلل كلامه وانشغل قلبي بحاله وصبح غيابه بيعدي عليا اليوم سنين
وآااه ياقلبي آااه من الغربه وقسوتها وظلم الحبيب للوفا وغدره بيه
وكنت دآيماً أكدب نفسي لما ألآقيه كل يوم بتتغير مشاعره عن اليوم اللي قبليه
والكلام بِينّْآ أصبح كل كام يوم والفكر والبال معاه إتحير
خان عهده معايا وبقاله سنه وشهرين وأهاتي على قلبي زي موج البحر هاجت
والدنيا الجميله اتبدلت أحوالها وعيني بقت شايفه كل شيء فيهآ إتغير
حتي إبتسامتي اللي گانت دايماً مفرحاني عني غابت
وحسيت بنفسي بقيت ليل نهار جوه نفسي وأحزاني ودموعي مسجونه
ولقيت نفسي منهاره فين الحب وليه الحبيب بتغيره الايام والفكر خلآني مجنونه
وفين بتروح الحنيه من قلوب الحبايب وليه تتبدل أسيه ويضيع معاها الأحلام
قسوته وجفاه وغدره بيآ خلوني ألعن الحب اللي اتصورته من زمان ورسمته
ياأهل الهوي قولولي العيب فين فالحب ولاَّ الغربه بتسرقه ولاَّ في قلب حبيبي وقسوته
وبآت قلبي اللي إندبح علي إيد حبيبي مصدوم ومنه بات مجروح
وبات يسمعني آهاته وتبان عليآ للناس حسرته
ومين ياللي حبيتوا قبل مني قلبه انجرح وايه اللي بيشفي الجروح
والاقي نفسي من كتر حبي بقول لقلبي لما اشوفه هعاتبه واشكيله
وارجع واقول لنفسي بس يكلمني وانسي العتاب ومن شوقي ولهفتي هابكيله
والسنه بقت سنتين ودموعي مافارقت خدودي من ظلمه ولسه مستنياه
لا انا قادره اكرهه ولا قادره انا وقلبي لحظه ننساه
وفي يوم من الأيام لقيته بسكينه بارده بيجدد دبح قلبي المدبوح
وراجع بواحده تانيه من غربته وبكل قسوه بيقوللي گان غصب عني سامحيني
زود عذابي وألآم قلبي اللي كان مستنيه ودي الوقتي بيقوللي إنسيني
اعمل ايه في عمري اللي ضاع علشانه وإزاي هيقدر يعيش حياته من غير ملآمه
ليه قلوب البشر بتصبح حجر وليه بتتعلم الغدر والخيانه
وليه يخلونا نكره إخلاصنا ووفانا وننسي الضحكه والإبتسامه
وليه الغربه بتغير القلوب وتموت فيها الحنيه وتخلي الحبايب تخون وتملاها بالأسيه
هو الإخلاص والوفا والحب بسهوله نلقاه ليه نخسر اللي بيتمنانا ونتمناه
دا الحبيب الغدار هيفضل تعبان البال ومحتار وعمره كله هيعيشه اوهام
وهيلعن المال والظروف اللي خدت منه حبه وسعادته فيوم من الايام
يااهل الهوي ليه الخيانه والأسيه وليه اللي بيضحي علشان حبيبه بيصبح ضحيه
دا الحب عهد ووفا وحنيه وعمره ماكان غدر وخيانه ولآ أنانيه