ساكته ليه قولي واتكلمي
ياتنسي الأسوه جواكي وترحمي
ماانا ياما سامحت عشان هواكي
وانتي لابترحمي ولابتنسي أساكي
ياما جرحتي وقلبي سامحك
وكنت دايماً بانسي جرحك
وياما اتحملت منك أسيه
وكنت بعاملك بكل حنيه
وانا وقلبي في صراع عشانك
وبنعاني انا وهو أوجاعك
انا مش عاجبني اوضاعك
وهو يقوللي لسه عاوزك
ولإمته هفضل ساكت علي ظلمك
وبآجي علي نفسي ومتحمل
وازاي هقدر وياكي اكمل
وانتي مشغوله ومش حاسه بيآ
وياما خبيت دموع عنيآ
عشان العشره صعبانه عليآ
ولاَّ هنفضل بالإسم كده عآيشين 
والأيام هتعدي بالشكل ده متعذبين
وانتي لا همك ولادك ولا عشرتي
ولا همك حزني ولا حتي دمعتي
دنا نسيت معاكي من زمان فرحتي
حتي الكلام بينا كله رآح
وكل يوم بيزيد جوآيا الجرآح
لانتي مقدره حبي وفهمآني
ولا اقادر اتحمل منك أسوه تاني
لو في قلبك كلام ريحيني وقوليه
ولو شاكه فيآ بوحي ليآ بيه
ولاَّ قلبك هو إللي خلآص إتغير
ونسي الحب وبقه منه متحير
ومبقتش حبيب تاني زي زمان
ونسيتي اللي كان بينا من حنان
علشان كده زاد بُعدك عني وهجرك
حتي جرحي مبقاش يهمك
صدقيني بردو مش هقدر أظلمك
ولآ عمري هفكر حتي أجرحك
وشوفي بقه يابنت الحلال
لو عايزه بينا يكون انفصال
قوليها حتي ولو لقلبي هتألمي
بس المرادي هنفذ وهتندمي
كنت بسامح ومبشغلش بالي
واقول معلش علشان عيالي
لكن كده انا جبت معآكي آخري 
لو مش عايزه تكملي هروح لحالي
هنسي هواكي وهنسي الليالي
حتي لو كان غصب عني
ارحم من عذابي وعذاب قلبي
وليل ونهار حارقه دمي
عمر الحياه ماكانت نكد وخصام
ولا عمرها كانت هجر وأسيه كل الأيام 
وشهور بتعدي من غير كلام 
دي الحياه حب وودآد وإحترآم
ورحمه وحنيه بين حبيبين وكل اهتمام