أكتوبر مش بس شعارات واحتفالاااات 
أكتوبر مش بس عبور وصقور وطلقات
فين عبور النفس والتحدى فين عبور الذات.
كفاية تباهى باللى فات كفاية علينا زكريات.
اللى عبر .عبر واللى عاش عاش واللى مر : فات.
جميل جنودنا وقواتنا على راسنا ليوم الممات.
بس احنا ولاد النهاردة. .فين دورنا فى الإنجازات.
** أكتوبر مش بس كلمات **
عبورنا عبور الفكر لازم ننميه وساتر الجهل بأيدينا نمحيه. 
وقناة العلم نبحر ونتعمق فيه وخط الفقر نخلص من بلاويه.
وعدو التقدم نقضى عليه وعلم الكرامة فى القمة نعليه.
كفانا غفلة وكسل غرقنا فيه ومرض التواكل لازم نداويه.
يعقوب.زويل.بدير.السمرة.الباز.مشرفة المشد.نجحوا ليه.
سميرة.وملك.وحمدان وعرابى وكامل وزغلول. وحرب. زمن اتحصر عليه.
القايمة طويلة لحد نارمر مينا ايه جرالنا صابنا العقم ليه.
** أكتوبر مش بس كلمات **
يلا نعوض زمانا نحقق فيه الأمل. اللى كتير منه فات.
علمك فى راسك فاسك فى إيدك نزرع قوتنا بايدينا ننسى كلمة هات.
يرحم أيام كنا سلة غذا العالم أجيال أجيال وسنوات.
يرحم أيام الجنيه كان يشترى الدهب ويتبقى منه صاغات.
حطم بوق النفاق كسر طبلة الرياق ارمى بقى الصاجات.
زمن الاسووود ابتدى اتقدم الصفوف شبعنا بغبغانات.
خلى أكتوبر بدايتك حطم الرفوف زمانا زمن الرجالات.
** أكتوبر مش بس كلمات **