ساعة الشدة بشوفك تهرب
وتعمل فيها عبيط ياسلام
ديما تهرب ساعة الشدة
فص ملح وداب دوبان
خليك فاكر كل عمايلك
بكرة الدنيا ترميك ف مكان
وتبقى لوحدك منبوذ مرمي
خالي الصحبة خالي الخلان
أصل الدنيا زي المرجيحة
بتمرجح فينا سنين وأيام
يوم بتطلع كدا ف العالي
ويوم بتقلب ويركبها جنان
وأنت ياصحبي فيها متشعلق
وعاوج معها شمال ف شمال
خليك فاكر بكرة قريب
وما أسرعها الأيام ياخال
أصل الفصول ركبت بعض
وماعنت تعرف ايه المنوال
الكل ياصحبي حاله أتلخبط
صيف شتا خريف شغااااال
آه من الدنيا وآه من المكر
وآه من لعب كل جبان
ساعة الشدة فيها دروس
للي يتعلم بالمجان
آه من الناس .. اللي ديما تاخد
وتقول مزيد من الإحسان ...
حب الذات كتر ياصبحي
وعليه العوض ف الغلبان