تقول آسف..
،،،،،،،،،،،،،،،،
وترجع تانى لبدايتك
تقول آسف...
وتبكي انت على ليلاك
وانا ماصدقت
انى انسى كدبك كله
انسى هواك
فمتقوليش وحشتيني
ولا تقولى انتشلتينى
من الماضي.... 
وحركتي قلمى وكتابي
وبيكى انا برسم 
بسمة وكل ايامي
وبتاسف واقول آسف
ومتقوليش لونك لونى
ولا انتى احلى
ماشافت ف يوم عينى 
لامتقوليش انى محتاجلِك
وانا اللى سنين بقيت جنبَك
بقيت ضهرَك..بقيت سندَك
فمتقوليش ف يوم
آسف...
على ذنبك
وانا اللى كنت سهل عليك
تبيع فية وانا الشاري 
كأنى خزانة حاطط فيها 
همومك ويااا اشعاري
ومتفكرش يوم فية 
ولا هتضحك اهو علية 
ومهما تقول كمان وتعيد
بقيت ذكرى معدية 
صحيح قلبي ساعات بيحن
والاقى كل شئ بيأن
على الماضي....
لكن صدقنى مش هنسى
حاجات هايفة تعدي علية 
مش شايفة غيرك جنبي
عشان تختارلى برفانى
وشوقك وقت احضانى 
ويوم مافارقت يوم حضنك
دموعى يوم ماتنسانى 
وشوقى اليك وكتمانى 
للهفة اوسلام لايديك
وبعد ده كله تتاسف
و مستنى اقول تانى
انا مسمحاك.؟؟!!!!...
وانى ماحقدر انسى هوااك
مترجعشى ومتقولشى
ومش حسمح من الاول 
تقول آسف....
وتبكي انت على ليلاك