لما تكون واقف مع نفسك
حاطت ايدك جوه جيوبك 
فجأه يعدي حد في نفسك
كان عاشقك انت وعيوبك 
بقالكوا سنين مش شايفين بعض
اه م الحب واه م البعد 
فجأة تحس بقلبك سابك 
روحك رايحه علي احبابك 
مش شايفه غيره قدامك 
ناسي عذابك ناسي البعد
جه بيقرب لسه انا واقف 
نفسي اروحله بس انا خايف 
جيت اجري عليه
في لحظة وقفت 
مكنش لوحده مكنتش شايف
في ثانية الفرحة اتقلبت حزن
نزلت دمعه من غير إذن 
بقيت القصة حزن في حزن
لما الكون في عنيك يتغير
لما تكون واقف متحير
لما تكون مش عارف مالك
تبقي القصة حزن في حزن
عدي عليك ولا واخد باله 
عاوز تعرف ايه الي جراله
هو خلاص اتغير حاله
باع الحب مبقتش في باله
ساعتها الدنيا بتفضي عليك
لو حتي مليون حواليك 
ويرجع يصرخ قلبك فيك
انسي ارحمني الله يخليك 
تقعد ساكت وعنيك سارحه 
نزف القلب ماتت فرحه 
ياريته ما عدا يارتني ما شوفته 
سابني في نار وسنين جارحه