ظلمتيني معاكي وانا اللي عمري مايوم ظلمتك
وطول عمري حنين عليكي وعمري مايوم جرحتك
علشان لما حبيتك حبيت فيكي روحك من قبل قلبك
وياما قلبي اتحمل قسوة قلبك علشان غلاوتك
وعمر قلبك مافرح قلبي يوم واتحملت كتير ظلمك وهجرك
ولا مره ياحبيبتي جيتي وفتحتي نفسي بكلمه حلوه تنسيني جرحك
وانا عمري ماحاولت مره اجرح فيها مشاعرك رغم يأسى منك
قسيتي كتير عليا وعلي قلبى وبرضوا كنت باشتريكي وما بعتك
وكنتي دايماً تستغلي طيبة قلبي وحنيتي عليكي.. وماشوفت منك غير القسيه
هو يعني علشان بحبك وشاريكي تفضلي علي طول تجرحي فيا
وتخليني اندم علي سنين صبري معاكي وأوقات كل الحنية
ماتنسيش ياحبيبتي ان الصبر له حدود..وخلآص أنا فاض بيآ
ده كُتر القسيه اللي شوفتها منك قَسَتّْ حتي الطيبه اللي فيآ
ولاَّ علشان بقالي سنين وسنين متحمل قسوة قلبك وهجرك ليآ
ياما كنتي تنامي الليل وانا وحدي سهرآن اناجي واشكي لخيالي
ودموع عنيا نار علي خدي وصعبان عليا حالي
وكان حبى مصبرنى عليكي سنين كتيره ..وفاتت عليآ عذاب
وياما غصب عني وانا جنبك رغم صدك كنت بافتح طريق للعتاب
مبقتش عارف رايح لفين من حبك وايه اخرتها معاكي.. ولإمته هنفضل أغراب
وهل عذابي في بُعدك أهون عليآ من عذابي معاكي ..مادومنا مش عايشين أحباب
نسيتي ياحبيبتي إني إنسان وإحتمالي وصبري له حدود
وكتر جروحك غيرت فيآ حاجات كتيره حلوه.. وحب ماكان زيه فالوجود
علشان قلبك القاسى لا يوم حن عليا ولا مره رحم دموع عنيا
وبقالى سنين عايش معاكي انا وقلبي في نار
وانتي لا حاسه بيا ولا داريه بحيرتي لا ليل ولا نهار
وانا لا قادر أقسي عليكي ولا قادر أنسي ظلمك وقساكي
ولا قادر أنسي حبك ولا قادر أعيش من غير هواكي
وعايش علي أمل يمكن تغيرك الأيام وتحسي بيا وتندمي ع اللي فات
ويمكن اللى حصلي منك وصبري عليه يقرب بينا في يوم المسافات
والأيام اللي جايه تحني عليا وتعوضيني اللي راح من عمري وانا عايش في حرمان
وتبقي ذكرياتنا سوى بعد الصبر والإنتظار هي أجمل ذكريات
ويخيب أمل عُزالي وحُسادي فيا ويفرحني وياكي من تاني الزمآن