في حاجات كتير جوه القلوب
مقفول عليها 100 الف باب
خايفين لمرة نعشق ندوب 
ويبقي دا سبب العذاب 
وتبتدي جواك حروب
لو مره يس فجأة وغاب
وتتقفل كل الدروب
وتفضل تقول ليه بس ساب
وكل يوم وقت الغروب 
بينك وبين قلبك عتاب
لامنه بيهدي الحروب
ولا منه بيداوي العذاب
وأسئلة حواليك كتير
وانت مش لاقي الجواب 
ويفضل بقيلك ذكريات 
وحبة وجع
عيني عليك يادي الجدع
مكنت قافل ابواب اهاتك
ليه بس تاني تنخدع
والناس ساعتها يسألوك 
ويقولولك انت مين
وليه تملي قاعد حزين
وليه حياتك محصوره بين
امتي وفين 
ودايما ردك ع السؤال
بكلمتين
اللي هما انا مش حزين