سيبوا المعانى تعانى
بضمان محل الإقامه
وتعالوا ندور تانى
على فرحه وابتسامه
- بعد السنين العجاف
شفنا وجع وأنين
خلاص محدش يخاف
نمسح دموع العين
- حبس الألم بالسنين
والنفى خارج البلاد
نفرح لعام واتنين
ويجدد ف الميعاد
- وحكمنا الضحكه تعيش 
على وشوشنا وتملا
نفذ حالا يا شاويش
واقرا الأحكام واتملا
- نرمى الأحزان ف النهر 
أدامى وبمعرفتى 
وتحول أوراق القهر 
إلى فضيلة المفتى
- زمن النواح انتهى 
والجاى زمن الفرح 
يا بلدنا يا أبهه 
داوينا فيكى الجرح 
- طفلك جميل النونو 
شايلاه على كتفك 
فى ننى عينا نصونوا 
يكبر يبوس كفك