ظلمنا النفس أكام مرة
والظلم أليم
ومشينا في طريق ملوش رجعة
طيب رايحين على فين
دا قلوب البعض بقت ولعه
ونارها جحيم
لاحد ناوي يعمل رجعة
ويعيش في نعيم
دا الآخرة خلاص كدا قربت
خليكوا فاكرين
كفانا ظلم كفانا خيبة
دا حق المساكين
كفاية ندوس على الذمة
ياسادة ياعاقلين
لية تنباع في اليوم كام مرة
بقرش وب أتنين
علامات أستفهام بتوجعني
أيام وسنين
لاأنا مع ولاضد في زماني
دا أنا إنسان من طين
وبحب الحق وبنادي به
وبقلب متين
لا أنا خايف من بطش يبطشني
ولا ضعيف الدين
أنا بس ديمآ أحب أذكر
حبايبي السامعين
أنا حد حاسس بظروف غيري
وقلبي حزين
لا أنا عايز كلمة شكر لتشكرني
ولا حتى تلسين
أوقات كتيرة بمسك نفسي
ودموع العين
نفسي أعيط نفسي أدمع
زي المساكين
أرجع لنفسي وأستغفر
وأقول ياكريم
أنصر عبادك المظلومة
يارب الكون
مادام الناس عمله عبيطة
وعاملين غافلين