فينك ياحبيبي وفين أيامك وفين لياليك
وفين الحب والحنيه اللي كنت دايماً شيفاهم فعنيك
وفين خوفك وانشغالك عليا لما كنت تبعد أو أغيب يوم عليك
كل ده مبقتش ليه حاساه ياحبيبي معاك من يوم ماجيت
سافرت وغيبت سنه وراجع غريب كإنك عمرك ليا مايوم حبيت
فين ضحكتك ونظرة عيونك اللي كانت بتسعد حياتي
وفين لهفتك عليآ وشوقك اللي كان بيطفي دايماً نار أشواقي
دا انت لما كنت بتغيب عني ليله واحده كانت نجوم الليل بتسمع أهآتي
وكنت باحس بيك وانت ملهوف عليا وبتجري ترتاح بين أحضآني
مين اللي خدك مني ياحبيبي ولاَّ مين إللي أساك عليا وغيرك
ومين بس اللي خلآك تنسي حبك وهواك وتنسي ودك
وليه بعد الحب والغرآم اللي كان بينا تخلي غيري مني يسرقك
وآه ياقلبي آه ونسيت الليالي ياقاسي ونسيت أجمل ذكريات عمري وعمرك
إفتكر وإوعي تنسي يآحبيبي حبي وحناني اللي طول عمري كنت باديهولك
وليه تتغير ياحبيبي وإيه بس اللي جرالك
جاي بعد غربة ليالي طوال وكإني مكنتش ولآ يوم علي بالك
نسيت وعودك وعهودك ليا ياقاسي ليلة ماكنت صابح مسافر
لما بكيت فحضني علشان مفارق ولا انت كمان ناسي ومش فاكر
كانت ليله بالف ليله عمري ماانسي حلاوة غرامها مهما عدي من عمر عليآ
ليه ياحبيبي تخلي الدنيا اللي كانت جنه جميله تبقي سوده في عنيا
سألتك ياحبيبي مين غيرك وأساك
وليه ساكت وماخدتش منك جواب
ولاَّ هي الغربه والبعاد هما اللي غيروا كده حالك ومن غير أسباب
طب قولِّي ياحبيبي إيه العمل وإيه بس ذنبي
وهاعمل ايه وازاي هعيش ليله واحده من غيرك وانت جنبي
انت اللي اتغيرت ياغدار وقاسي واتغير في قلبك كمان حبي
لكن انا لسه بحبك ولساك ساكن جوه في قلبي
وآاااه ياليالي غربتك وانتظاري وعذابي وسهدي وسهري لليالي
حبيبي راجع بقلب غير قلبه اللي أنا حبيته وعشقته طول ايامي
وآه ياحيرتي وآه يناري وآه من عذاب بعده واللي هيجرالي
سافر حبيبي وكان عليآ ارق حبيب
وراجع وقلبه عليآ قاسي ومش قريب
وكل سنين عمري مش فاكرها وقلبه أصبح غريب
وآه يااهل الهوي والوفا حبيت حبيب سافر وله وفيت وإستنيت
وراجع بعد سنه بقلب غير قلبه اللي حبيته ويارتني ماكنت حبيت
ولو الأيام اللي بينا واللي عدت علينا اتكلمت هي والليالي
كانت لعنته ولعنة كل كلمه وكل همسة حب قبل مايسافر قالهالي
ومهما كان حبه عليا غالي مقدرش اتحمل واعيش معاه ليله ولا حتي ثواني
روح ياغدار روح لحالك روح وسيبني انا وهمي وعذابي في حالي