غطست فين يازمان

وفين أراضيك بجد
دا أنا باعت لك سلام
ومستني منك رد
ياترى عايش تمام
والعيشة كلها ود
ولا زينا ندمان والندم فاق الحد
ماترجع تاني يازمان
ونعمل مصالحة حب
لنعيد من جديد الأيام
ونشكر الإله الرب
آه من الوجع يازمان
وآه من المتاعب والغلب
خلاص ماعدش أمان
إنقلب الحبيب للضد
بقا كدا تغطس يازمان
من غير ماسج ولا رن
دا حتى يبقا حرام
والعيب يطول الكل
فاكر زمان يازمان
لما حبيبي أتجن
وعمل فيها سكران
وهرتل بكلام يغم
جاي يعيد اللي كان
ليمارس عليٌ الظلم
ساعات بفتكرك يازمان
وأفتكر معاك العدل
أبكي بحرقة منام
حتى طلوع الفجر
زمنك يازمان مثال
لكل جبار عتل
غواه الشيطان الجبان
ليدوس على رقاب الكل
لازم لكل جبان نهاية
ويوم علقم مر
ليعرف نفسه تمام
ويعرف للكون رب