بنحبها 
أقسم بالله بنحبها
مصر اللى مفيش زيها
حتى اللى زعلان منها
تلقاه بيشكى همها
ومن جوا قلبو يحبها
كلنا مش بس انا 
دى أمنا واحنا الضنى
حتى اللى محسش بالهنا 
لو غاب عنها ميت سنا
يرجع يبوس أرضها
كلمه ويسلم اللى قالها 
بنحبها حتى على حالها 
بترابها وبطينها بعبلها
بفقرها أو قلة مالها
ونزعل من اللى يسبها
متخافيش ياست لولو 
ميقدروش منها ينولوا 
بنحبها ومهما يقولوا 
هوا اللى حارسها ربها
بفكركم أحسن ناسيين 
بلدنا واحنا بها حاسين
بلد الأزهر والحسين 
والنيل بيجرى ف أرضها 
بنحبها ومش بالكلام
ولا كلمه نقولها والسلام
نتمنى نشوفها فى الأمام
كل العالم ورا منها
بنحبها ونسمع كلامها
وبدمنا نرفع علمها
أحلى سلام لينا سلامها
نعظملها ونجلها
وأقسم بالله بنحبها