يا عم الهم بالراحة
ليه الحيرة
متيجي نفضها سيره
وابعد عني وانساني
وخد ورقك وتأشيرة
وسافر من هنا وامشي 
بقيت ع الهم مقدرشي 
وطول الليل صراخ ساكت
واجي انام .. مبانمشي 
ونفسي احلم .. مبحلمشي 
وكل دا ليه .. متسألشي 
واديني سنين بشوف وجعك
وبتحمل
ولا مره شكيت منك 
وبكمل
ياريت مرة تحس بناري واهاتي
تصدق ان قلبي خلاص 
معتش قادر يتحمل 
يا عم الهم ابوس ايدك
بقا فارقني 
وجودك فيا عذبني
وغلبني ودوبني 
تعال نفضها سيره
وامشي بعيد بقا وسيبني
وسيبني اعيش بقا مره
حياتي كلها مره
نسيت طعم الفرح وياك
ونسيت حياتي بالمرة