هو يعني علشان بحبك تتعبني معاك 
وليه غاوى ياحبيبي تعذبنى في هواك
ولاَّ يعني علشان شارياك وطول عمري بتمناك 
كل شويه أحس بقلبك يآحبيبي يتغير
ولمآ تروح وتسبني الآقي قلبي منك يفضل متحير 
ليه ياحبيبي تخليني عايشه محتاره 
ولما شوقي ليك يزيد الفكر يخليني منهاره
مش عارفه ان كنت انآ لسه حبيبتك 
وهافضل أفكر فيك وليلاتي أسهر لحبك
ولا بايعني وقلبي هيفضل طول عمره عايش معاك في عذآب
طب ايه اللي حصل مني خلاك تلآعبني ياأغلي الأحباب
دوبتني ياحبيبي فيك وفي هوايا معاك
ريحني وطمني وليه تقلقني من افعالك
وعلي مصيري انا وقلبي ليه تخليني مش مطمنالك
ماانت عارف اني بحبك وعايزاك
تفضل جنبي ولحظه واحده ماتفارقني
واحس بحبك وبلهفتك لما تقابلني
واحس بالشوق فعنيك وقت لُقاك ياحته مني
ولاَّ يعني علشان عارف اني بحبك ومحتجالك
ليه تلاعبني وتلوعني كل وقتك وايامك
إنت فاكر أول مقابله لما لآغيتني ولآغيتك
ولما لقيت قلبك مليان حنان انشغلت بيك وحبيتك 
وقولت خلآص جاني اللي هيعوضني أيامي
وهنسي اللي شوفته قبل منك والمُرّْ اللي شربته من زمآني
وحسيت بطيبة قلبك وحنيتك لما قولتلي احلي كلام
وعيشتني بحلاوة مشاعرك في جنة الأحلام
وتعبت قلبي من كُتر اشتياقه ومن كُتر الغرآم
ولقيتك ملكت قلبي ومشاعري وقولت خلآص 
هتهني بحياتي وضحكتلي أيآمي بحبيب يحبني بإخلآص
وبقيت تسهرني اللَّيالي وإنت يآحبيبي بقيت تنآم
دانت لما خليتني أحبك صبح قلبي أسير لقلبك 
وفي يوم وليله لقيت نفسي بقيت ضعيفه قدام حنانك وحبك
ومبقتش اتحمل همسه ولآ حتي نسمه هوا تطرف عنيك
ولقيت نفسي من كل عيون النسا بقيت أغير عليك
طمن قلبي ياحبيبي اللي من كُتر حبي لسه خايف
أصلك ياقاسي محيره ودايماً قلقان من كُتر مابيفكر فيك 
بتحبني ولا مابتحبنيش اصل حبك جننه وانت عارف
لو بعدت عنه ممكن إيه ياحبيبي يجراله
گان يتجنن هو عقلي لو حس إن قلبك حد غيره خد مكانه
دا انت أحلامي وكل أملي أفضل جنبك واتهني بالحب وغرامه
ويسعدني حبك وهواك ووجودك جنبي طول عمري وأيامه